SUBA REMAONG, DIATU RAONG.

Kelia menya, maia kitai apin bisi television enggau radio, leboh lemai ari, kami selalu nunga sida ke tuai, mending ke cherita sida bejalai ke Brunei enggau Sabah, nyadi sedadu di Malaya enggau cherita sida ngayau ngelaban Jipun. Kadang kadang sida betusut madah ke bala kami penatai bansa kitai serta turun-menurun bala sida aki-ini kitai. Rindu bendar ga ninga randau sida lalu sida pen rindu meh nusi jerita diri. Nya ko apai aku nusui ke pengawa sida maia ke agi nembiak suba.

Nembiak kemaiaritu nyau suah agi ke nunga television ari ke nunga sida ke tuai. Suah agi ninga ka lagu ari ke ninga nyawa tebah urang ke tuai. Nya alai aku arap ke kitai ke nemu nulis ulih betulis ke utai kia. Ngaga bup. Iya ke bisi internet, tau ngaga homepage pasal utai kia. Utai ke udah patut ditulis lalu utai ke deka datai patut diperunding serta disara ke kitai. Lalu utai ti bai aku sara ke ditu ti patut bendar diperunding ke kitai enggau naka ulih diatu ianya kini ke penunga bansa kitai mansang. Bakani ko gaia pengidup kitai Dayak jemah ila? Pengudah taun tu. Taun 2020. Tauka pengudah nya.

Cherita kelia madah ke bansa kitai tu meh ti pemadu bekuasa beberita di pulau Borneo tang diatu utai nyau ka bekalih. Suba kitai kering baka remaong diketakut ke semua utai idup tang diatu nyau tau dikesema ke rungguk-rungguk baka raong, semina diketakut ke indu utai. Suba bala china dikumbai kitai apek tang diatu dikangau ke kitai taukey.

Kitai meh urang ti keterubah beperimba mungkal menua tu tang diatu kadang-kadang kitai ngasai ke diri enda ngempu menua tu. Kadang-kadang asai ke enda diterima. Nyau asai pendatang haram ba pendaiq diri empu. Nya meh ke dikumbai aku “nyadi temuai ba menua diri”. Kitai tu menya meh ti ngempu semua bidang tanah enggau menua di Lubok Antu, Engkilili, Selanggau, Niah tang diatu urang ngedai di dalam, kitai bejual ba kaki lima. Kelia sida numpang ba rumah kitai bejual garam, biching, ikan masin enggau budo. Diatu udah bekalih. Indah berimba nebang kayu ramu ba kampong diri empu deh kitai nyadi kuli. Kitai ngupas kulit, urang ngempu batang.

Ditu aku magi penemu aku senentang pelajar kitai Dayak. Pelajar ke dikenang aku tu lagi besangkut-paut enggau pelajar sekula ti ulih ari Kolej enggau Universiti.

Berengkah ari kelia, kelebih agi diatu, pelajar nya meh senyata ti pemadu manah dikembuan. Ba aku siko, pelajar nya meh jalai ti pemadu manah kena bansa kitai niki. Tauka, semina jalai kena kitai bansa angkat (The only way up for the Dayak people).

Pasal bedagang, udah dikuasa bansa china. Pengawa politik, udah digengam bansa Melayu. Bah, nama ke ditinggal ke bansa kitai deh enti enda pelajar? Pelajar tau nukar pengidup kitai ari semua segi. Runding, ulah, pengeraja, pengelantang, penyenang enggau pengerai. Enti udah keluar universiti, pengidup endang tau disadang senang. Munyi ko jako tuai, kurus-kurus pen baya, enda meh nyadi bayak.

Ngena pelajar ke chukup, kitai ulih sama-sama enggau bansa bukai maju, ba politik tauka dagang. Tang meh sinu ngenang, pelajar sekula tu ukai utai ti selalu dikerindu dipetati dikerunding ke bansa kitai. Randau sida selalu richah enti bejako pasal politik, ngirup, nyabong, ngasu, bumai enggau bejalai. Enti sida berandau pasal sekula, sida bejako ke pasal rumah sekula, pemakai ba sekula, pengerami sekula enggau pengajar sekula. Tang jarang berandau ke pemansang anak sida ba sekula. Tebal agi sida apai-indai nembiak enda nemu lumur berapa anak sida ba peresa. Nyangka laban enda ingat kini. Tauka nyangka laban enggai kiroh. Sekali ke anak sida lumur satu tauka lumur enchit, nya sama aja ba sida. Asal meh anak dipeda nurun sekula. Nya ke salah endar.

Diatu bedau laun alai bala kitai bansa sama angkat ngemansang ke diri empu dulu, udah nya baru kitai ulih ngemansang ke raban bukai. Enda patut kitai lalu ka idup baka Raong lemi melitak, kerja besurung bebatak, enggai keluar ari tempurung, mimit-mimit minta tulung? Enda patut kitai enggai nyadi baka Remaong, didinga panjong menua puang, dikenakut ke orang dipebesa ke orang?

Anang ngelaban perintah.

Ninga rita ke dibai angin ke dipuput ribut, engka enda lama agi ka bepilih DUN kitai Sarawak bulan 4 tu ila. Najib udah datai nemuai ngagai kitai kitu baru, engka amat meh ia, laban orang besai baka sida enti diperati sigi enda tau bejalai ngaga enti nadai tuju. Sapa dipilih kita? Nya meh utai ke balat beperang dalam runding siku-siku kitai rakyat Malaysia ke udah ngeluai umur tau ngundi, ia ke ngemeran ke pemesai guna undi siko-siko dalam sistem demokrasi, ti tau mai pemansang mai penumbang ngagai menua kitai.

Mayuh bala kitai ke baru ngiku pipit dalam politik, puda runding, lebih puda ari runding joi tekura. Mayuh bala kitai enda puas ati, tang meh, kitai mimit sigi enda ulih telaban orang mayuh. Tambah agi..

Petara ke alang alang sigi enda telaban ka Taib kitai ke diatu. Peda menua tu nyau ka ambis diperimba iya. Pengering aki ini kitai kelia menya pen nda ulih telabanka pengering Taib, enti disebutka pasal berimba kampung jerung kampung gun.

Bala penyakal ke alang alang nya sigi tumbang baka punggu enda bedaun enti iya nyegolka mulut sida nya ngena kampi nipis pala agong. Sida ke sengaja ngetan ginti sig arap amat deka nunggu pala agong nagop ginti ke enda bumpan, silap silap ditagop ikan empelasik. Ya ke merinsa, bala kitai ke nyukung penyakal, dikelaung pemansang, ditutup awan langit menua puang.

Anang ngelaban perintah laban...

1. Taib is the most capable man

We must not change the present government. Taib is the most capable man and we must not replace him. He has brought us a plenty of developments.

2. Taib has so much money

At the moment, I cannot find anyone as good as him. Tell me, who has as much money as him. With that asset, he is the most powerful man in the state/country. No one can topple in for bad or for good. He is a very charismatic leader whereby he could easily influence as many YBs on the hujung tandok as possible anytime.

3. He has the best policy

Politics of Development. Not even Najib has that kind of policy who only pledge for 1Malay.

It’s timely for Tan SRi Jabu to shout ‘ANANG KA NGELABAN PERINTAH’. He is the example of good subordinate who is always loyal to his master. We must not change/topple them because we would lose the most capable leader for Sarawak to lead us out of the West Malaysia total rule. This is the part which I love the most. Trust me!

Nyau Taib ila, silap-silap UMNO tama, utai kitai sigi ambis kena lanjak sida jabak. Nyamai agi ga nyukong SNAP, enti maga ka nyukung penyakal ari sida PR. Nama kepentingan PR dalam Sarawak? Nadai.. Sapa bejai ke sirat kitai bansa? PR!

Sigi agi utai ke balat endar penting dalam pengidup kitai mensia, kitai enda tau idup ngelaban arus. Ukai enda tau, tang enti ulih anang, laban utai nya pedis. Enti kitai ka ngelaban arus, anang alang-alang, laban orang ke ngelaban arus tu enti nyadi tau untung.

Sigi agi, semua utai sigi nadai lebih ari sepakat. Kebuah pia laban kitai mimit enda ulih telaban ke orang mayuh. Ngambi ke banding enti kitai ngundi penyakal, menang alang-alang, siti tauka dua endur aja nadai gak guna laban nya tau ngejung ke kitai ditinggal sereta dikelaung ke pemansang. Enti kitai bela belai, bela sama se-ati, baka Pulau Pinang tauka Selangor, nya baru pulai ke penguntung.

Nya alai, keringka meh perintah Taib. Anang ka ngelaban perintah ko Jabu. :)

Another Year Older

A birthday is just another day,
young of mind, yet youthful looks go away.
Another year older,
the world seems a bit colder.
Yet my heart still burns,
and for love it forever yearns.
Another year older,
I grow even bolder.
Life is for us to learn from,
as calculated as a mathematical sum.
Another year older,
hurting blazes now just smolder.
Letting go of past rage and pain,
living life and feeling sane.
Another year older,
a tear on your shoulder.
Life has not been so bad,
my tear is of joy not because I'm sad.
Another day older,
more pages added to my folder.
I'm glad of whom I am today,
I would not have myself any other way.
So don't mind that I write my own birthday rhyme,
I've lived through my life up till this time.
I think it is safe to say,
that things will go as planned His way.
He's got more for me yet,
It'll be even better I bet.
Another year older,
and I am in His debt.

Reti Pengerindu

Seleka jako PENGERINDU(LOVE), endang udah nyadi ka buah jako semoa mensia. Baik indu baik laki, ari nembiak mit datai ke mentis ti tuai, sigi nemu bejako sereta bekenang ka jako Pengerindu.

Taja pia, nemu ke enda kitai reti jako pengerindu tu? Kala ke enda kitai nyangam penalam reti jako nya?

St Paul ngena jako pengerindu nya kena ngajai orang kristian di korint maia nya kelia laban taja sida udah nerima Kristus dalam pengidup sida, pengarap sida agi mekang. Sida balat endar beserengkang penemu; bebantah sereta besalah ke pangan diri. Sida belaya lalu bedengki. St Paul laban ia ti ngepun ke Eklisia Allah Taala di menua nya tusah bendar ati. Ko penemu Paul, sida patut nyadi ka teladan sereta chunto ka orang ti bedau nemu Tuhan.

Tu kebuah Paul ngekang amai bejako (1 Korint 13 ayat 1 ngagai 3) "Nyema aku ulih bejako ngena mayoh jako mensia enggau jako melikat, tang enti aku nadai pengerindu, jako aku nadai reti baka pengingar munyi gong tauka munyi luching ti sering-sering. Nyema jako aku bisi pemeri kena nusoi pesan Allah Taala, bisi semoa pengarap ti tau dikena nginsit ke bukit, tang enti aku nadai ngembuan pengerindu, aku nadai reti. Nyema aku meri samoa utai ti di kemisi aku ngagai orang seranta, datai ke ngasoh tuboh diri di tunu, tang enti aku nadai pengerindu, utai nya enda pulai ke pemanah aku."

Nyadi nama reti pengerindu ke bendar? Pengerindu nya pengeliat enggau penelap, ia ukai utai ti kepapas, tauka temegah, tauka sumbong. Pengerindu ukai perangai ti jai, tauka rangka, tauka jampat ringat. Pengerindu enda ngitong penyai, pengerindu ukai gaga ke utai ti jai, tang ia gaga ke utai ti bendar. Pengerindu nya tan dalam samoa utai ti nyadi, arap ke samoa utai, ngadang semoa utai, liat ati sereta mujur ngereja utai. Pengerindu nya meruan belama-lama.

Bisi quote ribai ti diambi ari 1 Korint ayat 13 ti nyebut "faith, hope, love, abide these three; but the greatest of these is love". Reti ia, Pengarap, Pengadang enggau Pengerindu, lalu ia ti pemadu besai nya Pengerindu.

Semoa ulah sereta utai ti dikereja mensia sigi enda ulih lari ari utai ke udah diripih ke aku ba atas tu tadi. Nadai pengerindu, utai ti dikereja enda tau pulai ke pemujur.

Ngambi ke banding dalam pengawa kitai ke besekula, enti bisi pengadang, bisi mega pengarap ke diri nya tau nyadi mensia, tang pengerindu ke besekula, pengerindu ke ka belajar nya nadai, nadai meh guna ia.

Bai dalam pengawa ti idup melaki bini, pengerindu nya lumbur 1.

Dalam pengawa kitai ke deka ngetan ke main asa sereta adat kitai iban. Pengerindu nya mesti bisi, baru kitai ulih bejalai ke pengawa ke udah nya.

Dalam pengawa kitai ke begulai bebakih enggau orang bukai, bai nya sama bansa, tauka enda, sama pengarap tauka enda. Pengerindu ke begulai nya mesti bisi, baru kitai ulih begulai nyamai, udah nya tadi baru kitai ulih sama bela bebasa ke bala pangan. Nama kebuah? Ketegal pengerindu kitai ke begulai.

Pengerindu kitai ngagai menua kitai nadai kurang gak pemesai ia. Ari pengerindu kitai ka menua ke dalam, nya baru kitai ulih tepeda sereta nemu diri ka chukup betuah laban ke doaada nyadi mensia ba menua ti dikumbai kitai Malaysia.

Sama-sama kitai nyaga pengelikun menua, sam-sama kitai bepegai sereta idup ngena cara kristian ke bendar. Enti orang nampar mua sepiak kanan kitai, asur ke mua sepiak kiba.

Tuhan merekat ke Malaysia.

Jako tundi: Rindu ke munsuh kita, kelengah ia nemu sida leju laban makin sida begedi, makin kita rindu. - Love your enemy, they'll piss off.