Pages

Thursday, October 8, 2009

Main Politik


Pagi tu tadi maia ke benung ngirup aku macha surat khabar Eastern Times, ba laman keterubah aku terpeda ke tajuk besai munyi tu “Cabinet reshuffle Soon”, manah endar bunyi tang maia ke macha article tu tadi, nyau datai ba tengah ia dia pala menteri kitai Pehin Sri Taib lalu madah ka diri ke ka “reshuffle” cabinet sebedau pilihanraya Dewan Undangan Negeri.

Tang utai ke paling best dipeda aku genteran tu:

When asked whether it would be a major or minor Cabinet reshuffle, Taib replied: |It will be something in between major or minor cabinet reshuffle.”

# I will not STEP DOWN.. eh salah.. I will not change anything major until 2012.

Taun tu ila, 2011, masuk ke 30 taun Taib udah nyadi pala menteri kitai Sarawak. This made him the longer chief minister held in office ever, in Sarawak and so was in Malaysia.

Antara Taib ngau Samy Vellu sapa lama agi? Bala sida MIC nyau merekah nganti ke ka pacah ketegal ke Samy ke mati enggai ngeleka ke penuduk ia ke nyadi president MIC. Nama plan Pehin Sri kitai? Ka nganti utai ke baka tu nyadi baru ka ngundur ke diri?

Ngundur ke diri ngena cara bemaruah (penuh hormat) baka Tun Mahathir, sampai ke saritu orang agi balat bebasa ke ia. Tun Abdullah ngundur ke diri ngena cara ke lain (udah bendar di kritik), bakani gaya rita ia diatu?

Pehin Sri chukup pandai dalam pengawa berpolitik. Pemimpin ti chukup kering (nadai orang kering ari ia, peda aja cara ia berimba ke menua Sarawak). Bala rakyat Sarawak balat bebasa ke ia, aku empu bebasa ke ia ari segi pemandai ia mutar ke menua, tu ending bendar, nadai Taib, enda baka tu menua kitai, jauh agi tinggal ari ke diatu.

Taib bisi kebuah ia empu alai ke bedau deka ngundur ke diri ari nyadi pala menteri kitai Sarawak.
# Kebuah keterubah bedau bisi orang ke ulih tauka tau nganti ia baka maia ke diatu. Aku enggai dipegai pala menteri ke enda nemu utai, semina ke nitih tunjuk jari orang aja, kita engka bakanya meh dipelaba ke aku.

# Kebuah kedua, enti Pehin Sri nyurut ke diri sebedau bepilih DUN ke ka datai, peluang menang Barisan National tau kurang agi laban orang engka ke enda ulih nerima tauka enda yakin ke Pala Menteri ke baru.

Engka bakanya meh gaya strategi Taib ke ulih disangka aku. Aku ngarap ke strategi tu betul laban aku enggai dipegai penyakal yak e mayuh agi mulut nyebut patung enda nyaut.

Bisi bala ke sekeda nyaut, BN pan bakanya gak, mulut nyebut patung enda nyaut. Ba aku, salah nya, engka patung nya enda nyaut tang maia mulut ke nyebut, patung BN bisi ninga. Ukai ke nyebut aja, kebuah pia, paling nadai, bisi meh pemansang ke dibai sida ke kitai. Mimit nya pan, pama meh.

Aku ngarap ke strategi Taib ke bedau ka nyurut ke diri ari ke nyadi Pala Menteri kitai Sarawak tu ngena, kebuah pia, laban pemutus ia ke bedau deka nyurut kediri tu sigi 100% mesti bisi dikejako serta nyadi ke buah kempen bala raban Penyakal.

Dalam dunya politik tu, semua utai tau nyadi. Nya aja, mupuk aku.

Aku ngasu begiga ke jelu,
Pelanduk aku timbak, kijang ke ngena,
Maia ke ngabas, rusa ke mati…